Литванинг шимолидаги шифохоналарнинг бирида назоратдан ўтган 29 ёшли Сулаймон Абдул Сомаднинг бўйи 2.89 метрга етди. Бу ўлчовга кўра, Абдул Сомад дунёнинг энг новча инсони бўлиши мумкин, бироқ кичик бир муаммо бор.
Шифохонада бўйни аниқ ўлчаш учун зарурий ўлчов асбоби йўқ. Ушбу қаҳрамонга бир неча йиллар илгари “Новчалик хасталиги” ташхиси қўйилганди. Кундан кунга ўсаётган бемор ҳар ой шифокорлар назоратидан ўтиши лозим. Охирги марта текширувдан ўтказган ҳамшира ўлчов асбобида бундан ортиқ бўйни ўлчаб бўлмаслигини ҳайрат билан таъкидлади.
Чорасиз қолган ҳамшира Абдул Сомаднинг бўйини ўлчаш учун қўшимча таёқдан фойдаланди. Натижада унинг бўйи 2.89 метр эканини айтди.
Шундан кейин мазкур қаҳрамоннинг бўйини ўлчаш учун аниқ ўлчов мосламаси ишлатилди, натижада эса Абдул Сомаддан ҳам новча бўлган Туркиялик 40 ёшли Султон Кўсе бу борада ундан ўзиб кетгани маълум бўлди. Султон Кўсе Абдул Сомаддан 25 см узун эди. Ва у “Гиннес рекордлар китоби” га киритилган. Абдул Сомад эса ҳалигача ўсаётганини, кун келиб дунёнинг энг новча одами бўлишини айтиб ўтди.
Беморнинг хасталиги генетик касаллик бўлиб, Морфон синдроми деб аталади. Бу касаллик туфайли инсон аъзолари ўсиши кузатилади ҳамда юрак фаолиятига салбий таъсири мавжуд. Шифокорлар унинг ўсишдан тўхташи учун мия қисмида жарроҳлик амалиёти ўтказиш зарурлигини айтишмоқда. Бироқ жарроҳлик учун беморда етарли маблағ йўқ. Шундай бўлишига қарамасдан у ҳаётидан мамнун ва Аллоҳ уни шундай яратгани учун шукур қилишини айтади.
