Президент хавфсизлик хизмати бошлиғининг ўринбосари Отабек Умаров Москвада содир этилган терактга муносабат билдирди.
«Crocus City Hall» концерт залида содир этилган ваҳший террорчилик ҳаракати натижасида Россия халқига, ҳалок бўлганларнинг оила аъзолари ва яқинларига ҳамда жабрланганларга чуқур таъзия изҳор этаман.
Биз зўравонлик ва терроризмнинг ҳар қандай кўринишини, яъни бу шафқатсиз жиноятни кескин қоралаймиз ва террорнинг ҳар қандай кўринишини бутунлай рад этишимизни билдирамиз.
Шафқатсизлик ва инсоният моҳиятига қарши жиноятларга тўла бундай хатти-ҳаракатларга мутлақо йўл қўйиб бўлмайди ва бутун дунё ҳамжамиятининг сўзсиз қоралашига лойиқдир.
Биз ушбу фожиадан жабрланган барчага чуқур ҳамдардлик ва қўллаб-қувватлашимизни изҳор қиламиз.
Биз сиз учун ибодат қиламиз ва Қудратли Аллоҳ сизга ушбу қийин синовни енгиш учун куч беришини чин дилдан умид қиламиз.
