Bayden noyabr oyida bo‘lib o‘tadigan oraliq muddatli Kongress saylovlaridan so‘ng ikkinchi muddatga o‘z nomzodini qo‘yish niyati haqida xabar berishni rejalashtirmoqda. Bu haqda Bloomberg agentligi Amerika yetakchisiga yaqin ko‘plab manbalarga tayanib xabar berdi.
Iqtisodiy siyosatdagi so‘nggi haftalarda erishilgan muvaffaqiyatlar, xususan, inflyasiya o‘sishining to‘xtatilishi va benzin narxining pasayishi, shuningdek, Kongress tomonidan uning qator qonunchilik tashabbuslarini qo‘llab-quvvatlagani Baydenni ruhlantirgan. Bundan tashqari, manbalarga ko‘ra, Bayden 2020 yilda u Demokratik partiya prezidentligiga nomzod sifatida ko‘rsatilgan, chunki u Donald Trampni mag‘lub etish uchun eng yuqori imkoniyatga ega bo‘lgan va ikki yildan keyinyana shu vaziyat takrorlanishi mumkin, deb hisoblaydi.
Baydenning reytinglarihozirga qadar nisbatan pastligicha qolmoqda, biroq unga yaqin manbalarga ko‘ra, prezident ushbu holatlarga unchalik ahamiyat bermayapti, ayniqsa, bir qator ijtimoiy so‘rovlar shuni ko‘rsatadiki, u va Tramp o‘rtasidagi tanlovni hisobga olgan holda, ko‘pchilik amerikaliklar baribir Bayden variantini tanlashni ma’qul ko‘radi.
Bloombergning aniqlik kiritishicha, barcha demokratlar Baydenning rejalaridan mamnun emas. Demak, noyabr oyida 80 yoshini nishonlashga hozirlik ko‘rayotgan Oq uyning amaldagi egasi ikkinchi muddatga saylanishi kerakligiga ba’zilar allaqachon shubha bildirishgan.
