Bugun, 1 sentyabr kuni soat 16:26 da Toshkent shahar Yakkasaroy tumani Qo‘shbegi daxasida joylashgan Yakkasaroy texnopark hududidagi ishlab chiqarish syexining tom va ichki qismida dastlabki ma’lumotlarga ko‘ra taxminan 800-1000 kv.m. maydonida yong‘in sodir bo‘lgan.
Shunga ko‘ra yong‘in-qutqaruv ekipajlari soat 16:31da hodisa joyiga yetib borgan va soat 17:29 da yong‘in qurshab olingan. Ayni vaqtda yong‘inni bartaraf etish ishlari amalga oshirilmoqda. Vaziyat to‘liq nazoratga olingan.
Yong‘in joyiga O‘zbekiston Respublikasi FVV rahbariyati, Toshkent shahar FVB va tuman FV bo‘limi rahbar xodimlari yetib borgan.
Hozirda yong‘in oqibatida fuqarolarni jarohati olish va halok bo‘lish xolatlari to‘g‘risida xabar kelib tushmadi.
