Bahouddin Naqshband hazratlarining huzuriga bir kishi kelib, o‘ziga nasihat qilishlarini so‘rabdi. Hazrat unga o‘tirishini buyurib, bir oz sukut qilibdilar.
Oradan o‘n-o‘n besh daqiqa o‘tibdi, shayxning sukuti davom etaveribdi. Oradan bir soatcha vaqt o‘tgach, boyagi kishining sabri to‘lib:
— Sizning yoningizga nasihat eshitgani, maslahat, ibrat olgani kelgan edim, — debdi, — ozgina nasihat qilsangiz.
— Bizning sukutimizdan ibrat ololmagan kishi gapirgan gapimizdan qanday ibrat oladi?! — degan ekanlar hazrat.
