Болалар омбудсманига жорий йилнинг 24 апрель куни Қашқадарё вилояти Чироқчи туманида яшовчи фуқаро О.Ю. дан мурожаат келиб тушди.
Мурожаатда Чироқчи туманида яшовчи 2006 йилда туғилган вояга етмаган қиз Б.Б. га нисбатан жинсий тегажоғлик қилиниб, бу видеога олинганлиги ва тасвирни тарқатиш билан таҳдид қилинаётганлиги билдирилган.
Болалар омбудсмани мазкур ҳолатни ўз кузатувига олди. Аниқланишича, 2023 йил июл ойида Б.Б. га Ш.Х. томонидан жинсий тегажонлик қилиниб, бу ҳолат бошқа шахс Ж.М. томонидан телефон орқали видеотасвирга олинган.
Кейинчалик Ж.М видеотасвирни тарқатиб юбориш билан қўрқитиб, қиздан товламачилик йўли билан пул олган, аммо шундан кейин ҳам видеотасвирни тарқатиш билан таҳдидни давом эттириб, товламачилик қилиб келган.
Мазкур ҳолат бўйича вояга етмаган қиз 2024 йилнинг 30 март кунига келиб туман ИИБга ариза билан мурожаат қилган. Терговга қадар текширув доирасида судга оид тиббиёт, криминалистика ва биология экспертизалари тайинланган.
2024 йилнинг 8 апрел куни жиноят иши қўзғатилиб,
ҳозирда жиноят иши бўйича дастлабки тергов ҳаракатлари олиб борилмоқда.
